Kandidati i LDK-së për kryetar të Prishtinës, Arban Abrashi, përmes një postimi në profilin e tij në Facebook e ka shpallur fitoren ndaj kundërkandidatit të tij në balotazhin e 19 nëntorit – Shpend Ahmetit të Vetëvendosjes.

“Të dashur qytetarë, po shohim që ata që bën koalicione të hapura e të fshehta me oligarkë e biznismenë/politikanë vetëm që me çdo kusht të mbesin në pushtet, tash zbulohet edhe se kanë përdorë metoda kundërligjore vetëm e vetëm që ata të jenë në pushtet.
Organizimi i transportit të qytetarëve përmes OJQ-ve për të votuar, ka synim ushtrimin e ndikimit mbi votën e tyre të lirë dhe deformon vullnetin e tyre popullor.
Do ta kërkojmë nga organet kompetente të hetojmë këtë rast deri në fund dhe pastaj do të vendosim sesi të veprojmë. Por, ajo që po vërtetohet gjithnjë e më shumë është se Prishtina tashmë ka një kryetar të ri. Ju faleminderit shumë”, ka shkruar ai.

(m.k/BalkanWeb)