Nënkryetari i Partisë së Lirisë Petrit Vasili, në një intervistë me Skype në rubrikën Çështja e ditës nga Klevin Muka në News24, deklaroi se opozita do i shkojë deri në fund të vërtetave.

Vasili theksoi se pabarazia e votës është vjedhje në tavolinë. Sipas tij, duhet që Shqipëria të implementojë një sistem të drejtë zgjedhor.

“Ne si opozitë do i shkojmë deri në fund të vërtetave. Kjo është arsyeja se përse janë ngritur Komisionet Hetimore. Qeveria ka dështuar totalisht dhe duhet të kthehemi e të vendosim në vend padrejtësi të mëdha.

Pabarazia e votës është vjedhje në tavolinë. Kjo duhet rregulluar. Parlamenti duhet të marrë vendime të drejta, që të mbyllet kapitulli i zgjedhjeve të vjedhura. Duhet të kemi një sistem zgjedhor të drejtë”, deklaroi Vasili.

(Balkanweb) 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: