Moment i sikletshëm për Katy Perry gjatë audicionit të gjashtëmbëdhjetë të ‘American Idol’, një nga talent shoë më të ndjekur të Amerikës.
Ylli i pop-it ka vendosur të kërcejë në krahë të një konkurrenti, por humb ekuilibrin dhe rrëzohet në tokë.
Veshja shumë e shkurtër dhe takat e larta e bëjnë skenën zbavitëse, mes të qeshurave në studio dhe habisë së të tjerëve.
Të tjerë personazhe të njohur si Lionel Richie dhe kantautori Luke Bryan janë pjesë e jurisë së spektaklit. Kërcimi që Perry donte ta bënte sensual është transformuar në një moment të bukur edhe për ta. Këngëtarja, teksa është rrezuar në tokë, për shkak edhe të fustanit të shkurtër, ka nxjerrë në pah edhe të pasmet e saj.
Regjia e programit ka ndërhyrë menjëherë duke censuruar gjithçka me logon e programit, mes të qeshurave të pjesëtarëve të tjerë të jurisë që kanë tentuar ta ngrenë Katy nga toka.
Një operacion jo i lehtë, duke pasur parasysh takat e larta që këngëtarja mbante. Bryan është përpjekur menjëherë të ç’dramatizojë situatën duke thënë: ’Ka gjëra që një burrë nuk mund të mos i shohë’.
Lionel Richie vazhdon duke buzëqeshur: ‘Ka disa gjëra që duhet ti bësh për biznes! Gjithçka mirë Katy? U mbulove?’
Në këtë rol si anëtare e jurisë, këngëtarja e ‘Roar’ është shumë e egër. Disa puntata përpara se të rrëzohej, ajo kishte puthur në buzë një konkurrent të ri. Djali kishte deklaruar se nuk kishte puthur kurrë një vajzë dhe gjatë show, popstari amerikan ka reaguar impulsivisht, duke e puthur ajo.
Në fillim në faqe më pas në buzë.
(da.xha/BalkanWeb)