TIRANE– Këshilli i Lartë i Drejtësisë në mbledhjen e sotme ka shqyrtuar e më pas ka rrëzuar tre kërkesa të ish-ministrit të Drejtësisë, Ylli Manjani, për procedim disiplinor të tre gjyqtarëve.

Konkretisht bëhet fjalë për kërkesën e ministrit të Drejtësisë për:
– procedimin disiplinor të gjyqtarit të Gjykatës së Rrethit Gjyqësor Tiranë, L.S.
– dhënie mase disiplinore ndaj gjyqtares J.Q, kryetare në Gjykatën e Rrethit Gjyqësor Durrës.
– procedimin disiplinor të gjyqtarit të Gjykatës së Rrethit Gjyqësor Vlorë, A.B.

Pasi dëgjuan observacionin e gjyqtarëve, si dhe pas diskutimeve mes anëtarëve, Këshilli vendosi rrëzimin e tre kërkesave të ministrit të Drejtësisë.

Sakaq, sipas përcaktimeve të rendit të ditës, Këshilli i Lartë i Drejtësisë shqyrtoi projekt-aktet përfundimtare të vlerësimit, të Kryeinspektorit të Inspektoratit të Këshillit të Lartë të Drejtësisë, në zbatim të Vendimit të Këshillit të Lartë të Drejtësisë Nr. 261/2, datë 14.04.2010 “Sistemi i Vlerësimit të Gjyqtarëve”. Në përfundim, Këshilli miratoi aktet e vlerësimit për gjyqtarët e mëposhtëm:

Gjyqtar Metush Saraçi, Gjykata e Apelit Tiranë;
Gjyqtare Fahrije Stringa Budo, Gjykata e Rrethit Gjyqësor Tiranë;
Gjyqtar Zamir Poda, Gjykata e Apelit Tiranë;
Gjyqtare Shefkie Mataj Demiraj, Gjykata e Rrethit Gjyqësor Tiranë;
Gjyqtar Erarbër Madhi, Gjykata Administrative e Shkallës së Parë Tiranë;
Gjyqtare Flutura Skënderi, Gjykata e Apelit Tiranë;
Gjyqtare Edlira Petri, Gjykata e Apelit Tiranë;
Gjyqtar Arben Micko, Gjykata e Rrethit Gjyqësor Tiranë;
Gjyqtare Saida Dollani, Gjykata e Apelit për Krime të Rënda;
Gjyqtare Brunilda Kasmi, Gjykata e Rrethit Gjyqësor Tiranë.

Si pikë të fundit të rendit të ditës, Këshilli vendosi delegimin e disa gjyqtarëve në shqyrtimin e çështjeve të caktuara gjyqësore, në gjykata të tjera nga ku ata janë emëruar për të ushtruar funksionin e gjyqtarit.​

(el.sp/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb