Shtrëngimi historik i duarve mes Presidentit Donald Trump dhe diktatorit Kim Jong zbulon dëshirën e dy liderëve për t’u ndjerë superiorë, zbulojnë ekspertët e gjuhës së trupit.
Takimi i të hënës ishte formal me dy liderët që erdhën në tapetin e kuq nga drejtime të kundërta duke përshëndetur njëri-tjetrin me një shtrëngim duarsh të shumë pritur.
Duke folur për Daily Mail, një ekspert i gjuhës së trupit thekson momentin kur të dy u drejtuan tek njëri-tjetri, dhe bënë një shtrëngim të fortë duarsh, që tregon se të dy donin t’i impononin njëri-tjetrit pushtetin që kanë.
Patti Ëood, që ka studiuar gjuhën e trupit për dekada me radhë, zbuloi se si njerëzit e kulturës aziatike dhe perëndimore do ta analizonin këtë takim në mënyra krejt të ndryshme, duke u shprehur se të dy kulturat i shohin liderët e tyre fitues në këtë takim.
Ajo thotë se shpejtësia me të cilën liderët u ngjitën në tapetin e kuq dhe zgjatën duar tregon pushtetin e barabartë mes tyre. Megjithatë ekspertja tregon se Trump ishte i pari që e zgjati dorën më shumë, duke e bërë të duket më i fortë e më i fuqishëm se ai.
Megjithatë sipas disa ekspertëve, në botën e biznesit personi më pak i fuqishëm është ai që zgjat dorën i pari.
Një tjetër moment i vënë re është kur Trump i vë dorën e majtë mbi krah Kim Jong-ut. Në kulturën perëndimore kjo shihet si fitore e Trump, por për kulturat e tjera lindore këto veprime shihen si mungesë dijesh të kulturave të tjera, duke treguar mungesë respekti.
BalkanWeb