TIRANE– Një person është plagosur me armë zjarri mbrëmjen e sotme në zonën e Bathores në kryeqytet. Ngjarja ka ndodhur në lagjen numër 1 në Bathore rreth orës 21:05, ndërsa i plagosuri është shtetasi D. Ç, 24 vjeç.
Nga hetimet paraprake të kryera nga policia ka rezultuar se ngjarja ka ndodhur në banesën e 24-vjecarit dhe nga deklarimet paraprake është mësuar se D. Ç ka tentuar të kryejë vetëvrasje.
Ai është plagosur në zonën e gjoksit, ndërsa është transportuar nga babai i tij me urgjencë në një spital privat në Tiranë, ku paraprakisht mësohet se ndodhet në gjendje kritike për jetën.
Njoftimi i policisë:
Më datë 13.03.2017, rreth orës 21:05, në një spital privat ka shkuar i plagosur me armë zjarri shtetasi D. Ç., 24 vjeç, banues në Bathore, i cili është dërguar në spital nga familjarët e tij.
Nga hetimet paraprake të kryera ka rezultuar se ngjarja ka ndodhur në banesën e këtij shtetasi dhe nga deklarimet paraprake është mësuar se D. Ç., ka tentuar të kryej vetëvrasje.
Grupi hetimor po punon për verifikimin e plotë të rrethanave të ngjarjes dhe për grumbullimin e të dhënave dhe motivin pse donte ta kryente këtë akt vetflijimi.
(d.d/BalkanWeb)