Menu Krye Të Fundit | Shqipëria |

Ledina Çelo: Në Festivalin e RTSH pa prova, skenarin e mora 2 orë para. Çfarë nuk shkoi me fustanin

ledia

NGA FATMIRA NIKOLLI

TIRANE– Kam ardhur 10 ditë para Festivalit në Tiranë, e kam ndenjur 5 ditë kot në hotel, duke mos pasur në dorë asnjë material. Nuk shkuan gjërat ashtu siç mendova. Nuk kalova një provë të vetme të lidhur nga fillimi deri në fund. Skenarin, dy netët e fundit e kam marrë në dorë 2 orë para shfaqjes”. Këngëtarja Ledina Çelo vjen në intervistën e saj të parë pas mbylljes së Festivalit të 55-të të Këngës në Radiotelevizionin Shqiptar, ku ajo ishte prezantuese dhe një ndër emrat më të përfolur të tij. Eventi më i rëndësishëm muzikor në vend, në të cilin më herët ka qenë edhe fituese, i rezervoi Ledinës jo vetëm komente në rrjetet sociale.

Nga prezantimi, te fustani i tejdukshëm që mbante veshur një nga tri netët, Ledina Çelo në intervistën e saj për “GSH”, jep sqarimin e saj. Këngëtarja shprehet se fustani për të cilin u përfol, nuk ishte qëllim në vetvete dhe se e gjithë zhurma erdhi për shkak të një fotoje me blic, çka nënkupton sipas saj se pa blic dhe me ndriçimin e skenës ai nuk do dukej siç u duk.

Mandej, ajo jep përgjigje për pse-të e ngritura, duke theksuar se nuk do të justifikohet. Këngëtarja shton se çfarë do të kishte dashur të ishte ndryshe dhe pse shumë ide të sajat nuk u realizuan.

– Ledina, sapo mbylle përvojën si drejtuese e Festivalit të 55-të të Këngës në RTSH. Si ishte për ty? Do ta përsërisje sërish nëse do të ta kërkonin?
Në radhë të parë falënderoj TVSH-në për ftesën, duke më vlerësuar mua për të drejtuar një eveniment të përmasave të tilla, aty ku dhe nisi rrugëtimi im, e që më lidh me kujtime e emocione nga më të bukurat. Në momentin që m’u ofrua ky projekt, të jem e sinqertë, e mora me rezervë, për faktin se isha shkëputur nga angazhimet e mia artistike për një kohë relativisht të gjatë (prej ardhjes në jetë të dy fëmijëve të mi). Por dëshira e madhe për t’u takuar me publikun dhe magjia e asaj skene, më bëri të mos i rezistoja tundimit.

– Çfarë nuk shkoi mirë?
Nuk shkuan gjërat ashtu siç mendova. Dua të përmend vetëm një fakt, që nuk kalova një provë të vetme të lidhur nga fillimi deri në fund me artistët pjesëmarrës. Më saktë, do të thosha që nuk u bë qoftë edhe një provë gjenerale. Gjithashtu, skenarin, dy netët e fundit e kam marrë në dorë 2 orë para shfaqjes. Nuk e them këtë për t’u justifikuar, por kjo është e vërteta. Kam ardhur 10 ditë para Festivalit në Tiranë, e kam ndenjur 5 ditë kot në hotel, duke mos pasur në dorë asnjë material. Dhe, shumë ide të miat që i kisha menduar në pikën time më të fortë të këndimit, ishte e pamundur të realizoheshin.

– Cili ishte momenti më i bukur për ty?
Momenti më i bukur ishte muzikali i këngëve ndër vite dhe hologrami i Vaçe Zelës. Sigurisht, edhe pjesëmarrja e artistes botërore Inva Mula, skenografia për mua ka qenë madhështore… Do doja që atij kolazhi t’i renditeshin më shumë emra që i kanë dhënë asaj skene, si motrat Libohova, Manjola Nallbani, Ardit Gjebrea, Sabri Fejzullahu, Kozma Dushi, Bashkim Alibali, Frederik Ndoci etj., ose të vendoseshin në monitor të gjithë këta artistë, po për limit kohe nuk mund të këndoheshin më shumë në një kolazh.

– Çfarë mund të na thuash për fustanin që bëri namin në rrjetet sociale?
Ndër vite, veshjet e mia kanë qenë ekstravagante. Ashtu siç të gjitha veshjet e stiluara aq bukur dhe aq stil nga “Geraldina Sposa”. Dua të përmend që ai fustan i zi që u përfol aq shumë, nuk ishte si qëllim në vetvete, por një foto e vjedhur me blic për qëllime dashakeqe në drejtim të atij evenimenti. Kurrë nuk kam dashur të keqkuptohem e të ofendoj spektatorin dhe ato figura emblematike që i kanë dhënë atij festivali.

– Je penduar që e veshe?
Unë e vesha me dëshirën time atë fustan, pasi edhe ndriçimi në atelie, ishte në parametrat e skenës kur bëmë provën. Gjithçka, siç e thashë edhe më lart, ishte efekti surprizë i fotos së vjedhur me blic. Dua të shtoj edhe këtë: shoh një konkurrencë të pisët nëpërmjet kanaleve konkurrente. Ne artistet japim mesazhe, dhe unë ndër vite me këngët e mia, i kam kënduar dashurisë, mirësisë, kundër urrejtjes e emancipimit të gruas, që fatkeqësisht lë për të dëshiruar.

– Kur do të vish sërish në Shqipëri?
Ndoshta në pushimet verore. Dhe, pse jo, atëherë edhe me një bashkëpunim.

– Çfarë u uron shqiptarëve për Vitin e Ri?
Shqiptarëve u uroj sa më tepër dashuri e pozitivitet.

(Gazeta Shqiptare)


Komente ( 24 )

  • Faji i Ledinës shkon për organizatorët, të cilët qëllimet artistike i konvertojnë në pisllëqe të çmendura. Ata meritojnë dënim, largim të menjëhershëm nga TVSH.

  • JAM dakort me anonimin,,,ledina shkon e martohet me malok kosove per ca para ,,sikur jeta eshte vetem para njesoj si shoqja e saj inva mula ,,,turp I madh,,,ketyre te dyja kengetareve duhet ti mbyllet dera e shqiperise pergjthmone ,,,per koncerte e aktivitete…////

    • 123

      po moj bukurije eshte e vertete se ato jane martuar me konton jo me burra, dhe te dyja vijne nga matrtesa te deshtuara se martesat e para ishin nga djem shume te mire familje te shkelqyera por me konto modeste, keto jane femrat dhe artistet tona lekiste por jo artiste, me shpirtin materjalist, te pakten te bejne nje gje te zgjuar mos ekspozohen shume ne publik se sa me shume ekspozohen me shume diskretitohen, femra me karakter dhe dinjitet NUL

      • ??

        Hajde komente hajde! Lejdina me dy femije duhet tju jape juve llogari se me ke martohet dhe perse! A thua se Kosova eshte ne Arabine Saudite. Budallaqe Bukurija & akoma me deshtak 123! Po me Inven cpatet? Ka njeri idene qe babai I Inves eshet Kosovar apo s’para ka sh rendesi? Ne fakt, femrat shqiptare sduhet te martohen fare me mire se me kete injorance qe ekziston, nje cun mamaje do gjesh! Ikni ore pabuksa dhe shikoi punet tuaja.

        • ai

          o ti me dy pikpyetje sipas teje pse ka 2 femij dhe nuk i quhet e shkuara hahaha, pyetja e pare qe bejne pyetet si ke qene pastej vazhdon etj etj, ti para se te komentosh lexoja me rradhe dhe si vine komentet pastaj dili avukat mbrojtes ketyre debile , qe u plaken dhe mend nuk zune, ledina me ate zhveshje nuk turperovi veten por publikun ne qe e pame ,na ka efenduar se ajo se quan turp te dalesh lakuriq se i quan normale, ato qe jane skandale.

  • Nuditeti quhet ekstravagance tani? Ai fustan ishte turp, te pasmet komplet jashte. Ti sikur ke e burre!!! S’po u lene me rradhe te martuarat beqareve te bejne “ekstravagance”. Aman mos na dil me ne televizor.

  • Ne intervisten qe dhe per Ballkanweb, perpara se te fillonte festivali, thoje: “Keto dite qe kam hyre per te bere prova ne Pallatin e Kongreseve“, pra kishe dite qe beje prova dhe jo ore sic thua tani per te justifikuar prezantimin me te dobet qe ka patur ndonjehere skena e festivalit shqiptar (edhe Ciljeta ka pas prezantuar 100 here me mire se ty). Sa per fustanin mos ja ler blicit, se blici nuk punon vetem per te mbasmet e tua.

  • A1

    Dole me veshje semafori , kjo tregon sa civilizim ke

  • Turp veshja jote ! Nuk eshte moral i shqiptareve ajo paraqitje ne nje stacion shteteror ! Kjo paraqitje e tvsh thjeshte me ka bere qe ta fshije nga ekzistenca kete kanal

  • Ledina nuk ehste faji jot jo. Nuk behet arti me provixiale mi zemer. Ti je vajze kryeqyteti. por. Je gje: ate fustanin transparent nuk duhej tabkishe pranuar ne emer tebmodernitetit.

  • Mire qe nuk the fajin e ka Saliu.

  • Ti e pranon që nuk ishte vëndi për atë fustan, por fajin e ka fotografi ::::))))

    • 123

      po ku pranon shqiptari gabime , shqiptari ka tendecen qe fajin ose gabimin tja adresoj dikujt tjeter dhe vetem vetes jo , eshte kafshat qe skaperdiet o vella injoranca, kjo debilja po ja hell fajin fotografit, po nese eshte faji i fotografit moj sheleme pse nuk i doli fustani dhe artisteve te tjere meqe kishin te njejtin fotograf, po ke gjetur publikun shqiptar qe harron shpejt keto skandale, se te beje atje ku jeton po cthem dhe une atje nuk te afrojne as per spektatore ty e jo me prezantuese

  • Ledina esht dhe mbetet artiste me vlera, mjer injoranca e disa art dashes e shum zemer ngusht qe injorojn koleget e tyre, mos flasim per nje pjes te popullit qe skan ide te vlersojn virtute te artiste, ne duhet te krenohemi me vlera te atisteve tane, e jo veshur e jo zhveshur, vetem tek ne behen pazare parasitia skenike.Urime Lediana dhe ne vazhdim

  • Landi: do me thene edhe nena jote motra apo gruaja jan buce

  • ARTISTET VIP..POLITIKANE E CFARDO LLOJI I KETYRE NUK DINE TE TERHIQEN ME DINJITET NGA GJERAT QE NUK DINE TI BEJNE APO QE SU PERKASIN

  • ela

    ishte turp i madh te vishej ai fustan as per te fjetur m,e te nuk ishte

  • po eshte femer dihet qe eshte buce

  • Ledina je si yll. Varja nos e lodh mendjen ketu albanistan hesapi

  • ti ishe nje budallacke qe nuk dije te flisje,po ate fustan ta veshen me pahir .ik tutje rrugace se na degjenerove ,atje ku jeton nuk te lejon njeri te dalesh zbuluar te quajne te cmendur

  • Talent vetem me gjet burra me leke kane keto lloj artistesh, Ledina ka qene nje nga ato ” talente” qe e hapi lojen per te shkuar me burra per leket jo per ndjenjen.

  • Ledina, ai fustan ishte i papershtatshem per festivalin e RTSHse. E justifikon apo jo, dukeshe mire apo keq prapa kuintave nuk ka rendesi. Kanalet televizive mos i shaj kot se nuk ta kane fajin nese nuk do kishte veshur ate fustan’sheer look-like’ dhe nuk kishe ndonje dallim nga Bleona(Qerreti) por ne fakt je me klas dhe me e talentuar.

KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.