Në muajt e fundit Lindsay Lohan ka kaluar shumë kohë në Turqi dhe në kampet e refugjatëve të Sirisë, përveç pushimeve të shpeshta që ajo bën në Emiratet e Bashkuara Arabe.
Njëkohësisht flitet edhe për një afrim të artistes me fenë islame. Tani vjen edhe një sinjal që të bën të mendosh për atë që thuhet për të.

Në Instagram Lohan ka fshirë të gjitha fotot nga profili duke lënë vetëm një mesazh në arabisht: ’Alaikum Selam’(Paqja qofte me ju”.

Tani pritet një deklaratë e saj, për tu bindur për atë që përflitet.

Që prej 2015 është folur për interesimin e Lindsay për Islamin, që kur u fotografuar në rrugët e Brooklynit me një libër të Kuranit në dorë.

Por ajo e kishte mbyllur diskutimin gjatë një interviste për Haber Turk, ku ajo ishte shprehur: ”Nëse islam është diçka që unë dua ta mësoj, kjo është puna ime e askujt tjetër”.
(da.xha/BalkanWeb)