Është prezantuar sonte në mbrëmje trajneri i ri i Real Madrid, Julien Lopetegui, i cili dje u shkarkua nga Spanja. Fjalët e para të teknikut ishin:
“Falënderoj presidentin e Real Madrid për besimin dhe për këtë mundësi që mu dha. Do punoj në maksimumin e mundësive për të qëndruar në një klub të tillë sa më gjatë të jetë e mundur. Që pas vdekjes së nënës time, dje kur më shkarkuan nga Spanja ishte dita më e hidhur e jetës time, ndërsa sot është më e bukura.”
Më pas Lopetegiu foli për aventurën e re të tij, por edhe për të vjetrën: “Në mendjen time kanë kaluar shumë imazhe. Mu kujtua vetja edhe me uniformën e ushtrisë kur isha 18 vjeç dhe e kisha ëndërr të kontribuoja për vendin tim. Nesër do të bëj tifo për djemtë kundër Portugalisë, sepse e ndjen ende veten pjesë të atij ekipi që mendoj se do të fitojë Kupën e Botës. Mjafton të kenë pak fat në disa episode dhe do t’ia dalin.”
Më pas spanjolli shtoi: “Nuk e dija që futbollistët e Spanjës më donin dhe më respektonin kaq shumë. Cristiano Ronaldo? Është futbollisti më i mirë në botë pa dyshim, uroj të qëndroj te Real Madrid.”
(BalkanWeb)