KURBIN– Një 14-vjeçare ka humbur jetën pasditen e sotme si pasojë e një aksidenti rrugor, ndërsa dy persona të tjerë u plagosën. Ngjarja ndodhi rreth orës 15:00 në afërsi të fshatit Gjorm të Kurbinit, ku si pasojë e përplasjes së dy mjeteve në aksin LezhëFushëKrujë, humbi jetën një 14-vjeçare me iniciale A.M.
Ajo ka qenë pasagjere në një automjet tip “Renault”, i cili humbi kontrollin duke goditur nga pas një kamionçinë.
Përplasja ka qenë e fortë duke bërë që autovetura të dalë jashtë rruge.
14-vjeçarja humbi jetën rrugës për në spital, pasi nuk mundi që t’u shpëtojë plagëve të marra nga aksidenti, ndërsa dy personat e tjerë të cilët mbeten të plagosur po marrin mjekim në Spitalin e Laçit.
(el.sp/BalkanWeb)