Vendimi i Komisionit të Etikës për t’i hequr Skënderbeut titullin e sezonit 2015-2016 ka sjellë reagimet e para.
Mbrojtësi i korçarëve, Tefik Osmani, nëpërmjet një statusi në “facebook” ka thumbuar ish-kryetarin e Bashkisë së Vlorës dhe njëkohësisht ish-presidentin e Flamurtarit, Shpëtim Gjika, i cili kishte deklaruar se priste që Skënderbeu të rrëzohej nga kategoria.
“Kush më ka thënë që do rrëzoheshim nga kategoria, duhet të ketë kurajën të kërkojë falje. Jemi ekip KAMPIONËSH dhe dimë të falim… por ky është titulli më i bukur që kam fituar…”, ishte mesazhi i tij në rrjetet sociale shoqëruar me foton e titullit të shumëdiskutuar.
Pritet që klubi korçar të dalë me një reagim në lidhej me dënimin e dhënë sot nga Komisioni i Etikës që u hoqi titullin kampion në sezonin 2015-2016, pikërisht atë titull për të cilin flet Osmani.
(e.k/BalkanWeb)