BRAZIL – Një ish-fituese e konkursit të bukurisë, “Miss Bum Bum” ka paditur Cristiano Ronaldon lidhur me pretendimet, se e kishte ngacmuar seksualisht edhe pasi u nda me yllin e futbollit.

Bukuroshja braziliane Erika Canela thotë se ka marrë mesazhe “fyese dhe ofenduese” kur i dha fund marrëdhënies 2-mujore me yllin e futbollit.
“Nuk haja më, nuk flija më dhe nuk doja më të dilja nga shtëpia”, deklaroi 26-vjeçarja për “The Sun”.

Avokatët e saj do të ngrenë një çështje kundër sulmuesit të Realit dhe do të kërkojnë dëmshpërblim, pasi veprimet e tij ishin “poshtëruese” dhe kanë “ndikuar shumë në gjendjen emocionale” të Erikës.

Ish-Miss Bum Bum-i thotë se i dha fund marrëdhënies me Cristianon kur zbuloi se ai kishte të dashur. Ajo më parë kishte thënë se ishte e habitur kur ylli i futbollit e kishte kontaktuar atë duke menduar se ai po kontaktonte një prostitutë dhe jo një femër të zakonshme.
(BalkanWeb)