Nga ARMIR MEHAJ

Është ndarë nga jeta në moshën 83-vjeçare ikona e artit dhe kulturës popullore shqiptare Ndue Shyti, mjeshtri i çiftelisë, i nderuar me titullin “Artisti i Popullit” dhe “Nderi i Kombit”.

Ndue Shyti, i cili i dha hov artit dhe kulturës folklorike shqiptare njihet dhe si krijues i ansamblit popullor Puka, pjesë e të cilit ishin 100 instrumentistë.

Shpesh çiftelia e tij është kthyer në objekt studimi për studiues e muzikologë ndërkombëtarë, të cilët i kanë cilësuar të pabesueshme tingujt e lëshuar prej saj në duart e Ndue Shytin.

Në karrierën e tij për më shumë se 60-vjeçare “Artisti i popullit” Ndue Shyti numëron 17 çmime, urdhra e medalje kombëtare e ndërkombëtare, ndërsa tashmë emrin e tij e mbajnë disa aktivitete artistike në vendin tonë.

Deri tani Ndue Shyti mbetet instrumentisti i papërsëritshëm i çiftelisë, këtij instrumenti unikal, që është cilësuar si vegla magjike me të cilin artisti Ndue Shyti befasoi shumë juri ndërkombëtare.

Ky burrë i maleve tona ka bërë epokën e vete si rrallë artist falë talentit të tij olimpik.

(el.sp/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: