Bionde, sensuale dhe shumë e bukur. Është Nicole Kidman, e lindur në Honolulu në 20 qershor 1967.

Skena gjithmonë e ka tërhequr dhe që e vogël ajo ka studiuar kërcim dhe recitim: ”Kam filluar të bëj aktrim shumë shpejt, që në moshën 14 vjeçare dhe sot që jam 50 është shumë bukur, për të pasur energjitë e nevojshme për të kaluar sfida të reja” tregon ajo për gazetarët.

Në 1988 mbërrin rasti i saj i madh me filmin triller ‘Dead Calm”, duke u kuptuar menjëherë fuqia e saj aktoriale.

Nicole Kidman hyn në zemër të miliona fansave falë talentit të saj, por edhe falë jetës së saj private në dukje perfekte, martesa përrallore me bukuroshin Tom Cruise, e cila bëri shumë femra të ëndërronin, të paktën deri në lajmin e divorcit në 2001.

Më pas vjen dashuria e re me këngëtarin Keith Urban, me të cilin aktorja ka 2 fëmijë, Sunday Rose dhe Faith Margaret, e cila shënon një rinisje në jetën e saj private, por punën ajo nuk e ndërpreu asnjëherë.

Gjysmë shekulli me suksese dhe gjysmë akoma e gjitha për tu shkruar, aktorja feston sot 50 vjetorin dhe pavaresisht moshës, ajo mbetet sërish një yll, të cilin e admirojnë të gjithë.
(da.xha/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: