TIRANE- Ka nisur mëngjesin e sotëm prishja e banesave në zonën e Shkozës, aty ku siç raporton gazetari Erjon Skëndaj për “BalkanWeb“ nuk janë lejuar banorët e zonës.
E çuditshme dhe masë e shtuar, që nuk është parë në asnjë aksion të mëparshëm, duket prezenca e forcave “Shqiponja” të cilët qëndrojnë mbi urë të pajisur me kallashnikovë ndërsa veshur mbajnë jelek antiplumb.
Se çfarë do ndodhë në brendësi të lagjes, gazetari Erjon Skëndaj raporton se nuk e ka të mundur të filmojë, pasi policia ka ngritur një perimetër të cilin nuk mund ta shkelë askush.
Ai sqaron se banorët janë kapur në befasi mëngjesin e sotëm, pasi iu ishte premtuar se do arrinin në një akord me autoritetet.
(m.a/BalkanWeb)