TIRANË- Pas raportimit të gjatë të kryeprokurores Arta Marku, situata në komisionin e Ligjeve u tensionua kur deputetët e PD-së nisën t’i bëjnë pyetje kësaj të fundit.

Më i irrituar nga të gjithë u shfaq deputeti Flamur Noka, i cili e quajti Markun prokurore private të PS-së që erdhi vetëm për të lexuar një hartim në këtë mbledhje.

Flamur Noka: Nuk ka të drejtë për emërime. Zonja të mos vijë këtu për hartime, merreni tek partia prokuroren private, atje të lexojë hartime. Duhet të raportojë pse e mbylli çështjen e Saimir Tahirit? Pse nuk u apelua vendimi i Xibrakës, ka familjarë të kryeministrit të përfshirë? Pse dështoi hetimi për 613 kg kokainë në Durrës?

Ulsi Manja: Kjo ishte për procedurë?
Flamur Noka: Për çdo gjë ishte…: Kjo është zonja nuk e di, nuk di asgjë. Le t’i përgjigjet pyetjes
Ulsi Manja: S’jemi në livadh këtu
Edi Paloka: I bëra dy pyetje dhe me tha s’kam përgjigje
Ulsi Manja: Për procedurë të lutem
(m.a/BalkanWeb)

Etiketa: