Menu Krye Të Fundit | Shqipëria |

Operacioni në Elbasan, Haki Çako zbulon porosinë e ministrit Xhafaj për kupolën e policisë

operacioni Elbasan

ELBASAN- Policia e Shtetit ka ndërmarrë një operacion pastrimi në të gjithë qytetin e Elbasanit ditën e sotme, për të evidentuar e kontrolluar personat me precedentë penalë dhe pjesë e veprimtarive kriminale.

Në operacion ka qenë edhe Drejtori i Përgjithshëm i Policisë së Shtetit, Haki Çako. Ai zbuloi për gazetarët se operacioni në Elbasan ka ardhur pas një takimi ditën e djeshme të Ministrit të Brendshëm Fatmir Xhafaj me drejtues të policisë dhe të ministrisë.

Elbasan policia (3)

“Operacioni konsiston në kontrollin dhe ndalimin e personave me precedentë por në mënyrë të veçantë të atyre që janë pjesë e grupeve kriminale. Duke marrë shkas nga ngjarja e ditëve të fundit ku u godit automjeti i policisë, në një operacion për sekuestrimin e pasurive të vëna nga veprimtaria kriminale.
Shpreh dhe njëherë gatishmërinë e gjithë Policisë së Shtetit, e qeverisë shqiptare dhe Ministrit të Brendshëm Fatmir Xhafa për një luftë pakompromis ndaj çdo veprimtarie të organizatave apo grupeve kriminale kudo qofshin këto, çfarëdo lloj ngjyre apo tendence.
Jemi të vendosur për t’i vënë para përgjegjësisë ligjore por gjithashtu jemi të vendosur për të çuar deri në fund për të sekuestruar dhe konfiskuar në bashkëpunim me institucionet e tjera ligjzbatuese. Në vlerësim të porosive të dhëna nga ministri Fatmir Xhafaj në takim dje me drejtuesit kryesorë të ministrisë së Brendshme dhe Policisë së Shtetit, kemi ndërmarrë këtë operacion që nuk do jetë vetëm në Elbasan por edhe në qytete të tjera ku ne disponojmë informacione mbi bazën e analizave të detajuara mbi grupe dhe individë që kanë veprimtari kriminale. Të vendosur për të siguruar rend deh qetësi”, deklaroi kryepolici Çako.

(m.k/BalkanWeb)


KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .