Pak orë më parë mediat britanike raportuan për një përplasje në fushën e lojës mes dy futbollistëve të Arsenal, Mesut Ozil dhe Hector Bellerin. Sipas tyre pikënisjen e kishte një acarim i mbrojtësit spanjoll me gjermanin.
Ky i fundit, gjithmonë sipas mediave britanike, për të mos agravuar situatën i ishte drejtuar Bellerin me fjalët ‘flasim pas ndeshjes në tunel’.
Për të sqaruar këtë episod ka menduar vetë Bellerin me anë të një statusi në rrjetet sociale. Spanjolli në foton e publikuar ka hedhur poshtë këtë lajm me ironi duke shkruar: “Kur Mesut Ozil ecën në dhomat e zhveshjes…Të dua vëlla.”
When @MesutOzil1088 walks into the dressing room… ? love you bro pic.twitter.com/jNvQi2sisB
— Héctor Bellerín (@HectorBellerin) April 1, 2018
Sigurisht, sipas Bellerin gjithmonë, mes tyre nuk ka patur asgjë. I menjëhershëm ka qenë edhe reagimi i Ozil pas statusit të Bellerin. Turko-gjermani po në rrjetet sociale ka shkruar: “Ne të dy e dimë se ti nuk ke sy për asgjë tjetër, veçse flokëve të tu të çmuar. Edhe unë të dua shumë vëlla.”
We both know you have no eyes for anything but your precious hair in the dressing room ? Just kidding! Love you too bro ? https://t.co/MS7UZcD9Yl
— Mesut Özil (@MesutOzil1088) April 1, 2018
(e.k/BalkanWeb)
