TIRANE- Rrëzohet kërkesa për paraqitjen e kryeprokurores Arta Markut në seancën për padinë e prokurores Rovena Gashi, pasi ajo e largoi nga posti i Drejtoreshës së Marrëdhënieve Juridiksionale me Jashtë në Prokurorinë e Përgjithshme.

Rovena Gashi u përfaqësua nga avokati Çlirim Gjata, ndërsa Arta Marku nga Pranvera Gruda, ndërkohë që seanca gjyqësore e radhës është më 27 shkurt në orën 13:30. Avokatja e kryeprokurores ka kërkuar rrëzimin e padisë, pasi sipas saj është e pabazuar në prova dhe kërke4sa është abuzive.

Lirimi nga detyra
Rovena Gashi, e cila njihet si krahu i djathtë i Adriatik Llallës, ka paditur prokuroren Arta Marku ndërsa kërkon pezullim të vendimit të marrë. Padia është depozituar në Gjykatën Administrative. Rovena Gashi pretendon se Marku e ka hequr nga detyra pa motivacion, fill pasi ajo depozitoi kërkesën në KQZ për t’ju hequr mandati i deputetit, Aqif Rakipi dhe Gledion Rehociva pa u konsultuar me kryeprokuroren.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb