TIRANE- Drejtori i Teatrit Kombëtar, Hervin Çuli ka sqaruar në “Facebook” se nuk është përplasur me Robert Ndrenikën, por thjesht kanë shkëmbyer ngacmime miqësore.
Ai shkruan se Ndrenika gjithnjë e ngacmon, edhe në jetën e përditshme, ndërsa problemi i tij më i madh tani janë mesazhet e panumërta me sharje dhe fyerje që po i vijnë në adresën e tij. Çuli shkruan se kanë arritur deri aty sa ta kërcënojnë se do t’i përdhunojnë vajzën e mitur.
REAGIMI
Miq! Sonte ne faqen time ne fb por dhe ne disa portale dhe ndonje status prej karagjozesh te perhershem, jam sharre e kercenuar nga nje lukuni banaliteti. Nuk kam pare nje urrejtje te ketij lloji pervecse nga nje kulture tashme e percaktuar talebanizmi politik. Bera nje status ironik per nje djale qe foli dhe shau ne proteste teatrin, shau me mllef dhe pa asnje argument, sic ndodh rendom sot. Kaq! Pas kesaj nuk ka fjale qe permban arsenali i vulgut te rruges qe nuk jam share e kercenuar familjarisht. Pastaj turma shpiku gjoja nje kontradikte timen me aktorin Robert Ndrenika, qe pasi i ben like statusit tim, me ngacmon me nje batute dhe une ja kthyej sic ngacmohemi gjithmone. O tmerr! Pas kesaj dhe vajzen time 6 vjece me kane shkruar se do ma lene shtatzane. Dhe perreth shoh se si kenaqen hijenat nga ky horror, qelbesira dhe karagjoze fb-je qe te vetmin argetim kane qe te mallkojne jeten e atij tjetrit qe nuk eshte si ata. Si ka mundesi qe e mbollen faren e urrejtjes deri ne masaker. O zot, ku jetojme! O zot me ke bashkjetojme!
Më herët, Culi e Ndrenika shkëmbyen mesazhe në Facebook, pasi drejtori i Teatrit Kombëtar ironizoi aktorin që mori pjesë në protestën e PD.
(ma.ar/BalkanWeb)
