Zgjidhja e çështjes së pensioneve të emigrantëve shqiptarë që ndodhen në shtetin grek dhe atë italian, shumë shpejt mund të marrë zgjidhje, pasi të tre shtetet janë duke përpunuar për arritjen e një marrëveshje.

Ministri i Punëve të jashtme Ditmir Bushati, gjatë fjalës së përpara banorëve të qarkut të Elbasanit, u shpreh se çështja e pensioneve të emigrantëve që ndodhen në Greqi, nuk është një problem me karakter politik por më tepër është një problem financiar.

“Nuk është çështje politike, por çështje financiare. Me Kanadanë kemi ecur përpara, ndërsa me Italinë dhe Greqinë po punohet. Nuk mund të bëjmë politika të një vendi fqinjë, jemi në diskutime për të gjetur gjuhën e përbashkëta, pasi ka kostot e saj financiare si operacion. Me Greqinë situate ka dhe një tjetër detaj, pasi Greqia do kalojë dhe krizën ekonomike”, tha Bushati.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: