Çufoja dhe Bubi Kaçurrel, personazhet e njohura për fëmijët, janë dy “banorët” e rinj që janë vendosur në lulishten përballë Presidencës.
Vepra artistike “Çufoja dhe Bubi Kaçurrel”, të ideuar dhe konceptuar nga artisti Eljan Tanini vjen si një promemorie në 40 vjetorin e botimit të romanit me të njëjtin titull të shkrimtarit të dashur për fëmijë, Gaqo Bushaka, dhe imiton letrat origami të zmadhuara, si një mënyrë për të ngacmuar memorien e të rriturve, por edhe për të nxitur fëmijët të frekuentojnë këndin e lojërave aty pranë.
Instalacioni u përurua nga nënkryetari i Bashkisë së Tiranës, Andi Seferi, ideatori Eljan Tanini dhe krijuesi i dy personazheve, shkrimtari Gaqo Bushaka.
(BalkanWeb)