Milena Ivanoviç, gruaja e kreut të vrarë të Iniciativës qytetare serbe “Liria, Demokracia dhe Drejtësia”, Oliver Ivanoviç është punësuar në qeverinë serbe.

Siç shkruajnë mediat serbe, raporton Telegrafi, ajo ka filluar punën e saj të re në Qeverinë e Serbisë, përkatësisht në kabinetin e kryeministres Ana Brnabiç, dy javë më parë.

“Milena filloi punën më 11 qershor. Do të jetë në ekipin e kryeministres Brnabiç i cili merret me kulturë dhe industri krijuese”, citohet një burim nga Kabineti i Kryeministres.

Oliver Ivanoviç u vra para ndërtesave të partisë së tij në Kosovska Mitrovica veriore më 16 janar të këtij viti, por deri më sot, vrasësi dhe vrasësit e tij nuk janë zbuluar.

Oliver Ivanoviç u vra para selisë së partisë së tij në Mitrovicën Veriore më 16 janar të këtij viti.