Menu Krye Të Fundit | Shqipëria |
Lajme
Grupet
Rezultatet
Kalendari
RUSI 2018
5 - 2

Belgjikë - Tunizi

RUSI 2018
17:00

Republika e Kores - Meksikë

RUSI 2018
20:00

Gjermani - Suedi


Projekti për teatrin, shpërthen Lubonja: Banditë që duhen nxjerrë zvarrë nga zyrat

29101228_10155642454766523_106695092235927552_n

TIRANË- Analisti Fatos Lubonja ka komentuar sot në studion e News24 në rubrikën “Opinion” projektin e teatrit të ri kombëtar që do të zëvendësojë aktualin. Lubonja i quajti mashtrues ordinerë si kryeministrin Rama ashtu edhe ministren e Kulturës duke iu referuar deklaratave të mëparshme se nuk ka projekt për teatrin.
fatos lubonja
“Ministrja tha s’ka projekt para një jave, dje doli projekti. Këta tallen me njerëzit, por këta s’kanë as dinjitet. Janë kthyer në mashtrues ordinerë, me në krye kryemashtruesin Edi Rama. Këta na kanë vënë poshtë. Mbrapa teatrit do ngrihen katër kulla që sipas disave do shkatërrojnë edhe sarajet. Dikush thotë që do i fusin në xham. Këto janë çmendurira. Çështja është këtu është, a është çmenduria e Edi Ramës që po i përdor këta oligarkët? Është babëzia e këtyre? Apo është pastrim parash sepse aty nuk ka asgjë tjetër dhe këto kulla janë çmimi që paguan qyteti. Pikëpyetje që duhet të ngrejë shoqëria shqiptare dhe jo është i bukur apo nuk është i bukur ai projekt. Për mua është i bukur ai projekt që është sepse ka histori”, u shpreh Lubonja, raporton “BalkanWeb”.

Ai tha se është pro rikonstruksionit të teatrit aktual pa e prishur strukturën e tij.
“Logjika është që duhet të rikonstrukstohen. Po të suvatohej ky shumë mirë, ai është një kompleks historik dhe shumë i bukur. Nga brenda ka nevojë t’i vihet dorë. Megjithatë nuk do të thotë që ne të kemi vetëm një teatër. Ti mund të bësh teatër tjetër”, tha analisti.

Lidhur me reagimin e shoqërisë ndaj vendimeve të qeverisë, Lubonja tha se po e çojnë vendin drejt një katrahure dhe se duhet të nxirren zvarrë nga zyra.

“Unë po tentoj të reagoj. Këta janë banditë që duhen nxjerrë nga zyra. Nuk ka jo opozita, jo vota. Këta votimet i kanë kapur. Këta do nxirren nga zyra kur të bëhet m.. mullar. Atyre iu hoqën zvarrë monumentet, këta meritojnë të hiqen zvarrë vetë. Dalin gënjejnë ditë për ditë. Iu lënë dhe trashëgim fëmijëve gënjeshtrën si mjet për të pasur sukses. Janë kapur levat e sistemit, ato që janë mjetet paqësore të rezistencës dhe kushtet kur s’ka më rezistencë paqësore, bëhet kjo gjë dhe vjen momenti kur të bëhet katrahura për të gjithë dhe këta atje po na çojnë”, tha Lubonja.

(m.k/BalkanWeb)


Komente ( 3 )

  • tom

    Ajo palma perpara eshte shume domethenese 🙂

  • E para:
    Kjo ndërtesë S’KA FASADË!
    Duken si dhoma apartamentesh pa ballkon ku mund të ndehen rroba për t’u tharë.

    E dyta:
    Nuk harmonizohet me stilin e ndërtesave përreth.

    E treta:
    Forma e ndërtesës në tërësi është shumë MONOTONE.

    Ngjan si: PIKË SHUMICE FRUTASH E PERIMESH.