TIRANE – Deputeti i Partisë Demokratike, Edi Paloka, i ftuar ditën e sotme në emisionin “Kjo Javë” në News24 foli edhe për dhunën e ushtruar ndaj kryeredaktorit të gazetës “Rilindja Demokratike” nga policia gjatë konfrontimit në protestë.

Paloka tha se “do t’i vijë koha edhe atij” duke iu drejtuar policit që qëlloi me shkop gome, shkruan BalkanWeb.

“Edhe ai që ka goditur, të jetë i bindur që e njohim me emër e fytyrë, e kemi evidentuar dhe e njohim. Aty ishte e mbushur me banditë, do i vijë koha dhe atij. Ata nuk ishin forca e rendit, ata ishin mbrojtësit e mafiozit Fatmir Xhafaj.

Unë pashë policë me pistoletë aty, që është e jashtëligjshme. Po sikur një protestues t’ja marrë pistoletën nga brezi.

A ka PD një bilanc se sa të lënduar ka pasur nga protesta?

“Nga qytetarët nuk na ka ardhur njeri, por dimë diçka të turpshme që pasi vajti Bledi Kasmi në spital, shkuan 7 policë atje. Ishte e turpshme se vajtën kolegët tanë, jo për të zbuluar këtë intrigë, por rezultoi që të gjithë policët ishin me shembje të padukshme. Për të ekuilibruar atë që ndodhi me gazetarin, nxorrën policë të plagosur. Pse shishe plasmasi pa ujë e lënduan policin e veshur nga koka te këmbët? Xhafaj është babai i mashtrimit dhe manipulimit”

 (e.f/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: