KORCE– Deputeti socialist Niko Peleshi, i zgjedhur për Qarkun e Korçës në zgjedhjet e 25 qershorit, ka folur për reformimin e administratës. Ai është shprehur se askush nuk do të shihet më nga teserat e partive që ka, për t’u punësuar në administatë.

Nga Korça, Peleshi ka deklaruar se çdo vend pune në administratë duhet të fitohet me meritë.

“Asgjë nuk do të shikohet nga teserat qoftë e PS-së apo e kujtdo partie. Mund te kesh teserën por nëse ke meritë për të fituar punë atëherë do ta fitosh. Nëse bëjmë këtë mund të them që kemi një të ardhme të sigurt drejt standardit europian dhe procesin e integrimit. Grupi i punës që unë drejtoj do të ndërtojë edhe një strukturë më inovative që të risim eficencen mes ristrukturimeve të institucioneve që më shumë kanë fjetur dhe nuk kanë bërë punë”, u shpreh Peleshi.

Ai vlerësoi ecurinë e zgjedhjeve të 25 qershorit, ndërsa rezultatin e cilësoi “historik”.

“Jemi duke ndërmarë një tur falenderimi sepse e meritojmë pasi shqipëria arriti rezultat historik. Ishin zgjedhje që ngritën lart flamurin e Shqipërisë.

Ne kemi filluar edhe me dëgjesa që pas fushatës të jemi në kontakt me komunitetin. Ti degjojmë më qetë komunitetin dhe të përcaktojme punët më të rëndësishme. Edhe pse u vituam masivisht problemet nuk kanë sosur pasi kemi shume punë përpara”, tha deputeti i zgjedhur.

(el.sp/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: