TIRANE- Pas kërkesës që u dorëzua sot në KQZ për shtyrjen e afatit të regjistrimit të koalicionit PS-LSI, ku kërkohet kohë shtesë nga dy palët politike deri në zgjidhjen e ngërçit politik me PD, lumë reagimesh ka pasur në faqen e “Facebook”-ut të kryeministrit Edi Rama.

Të shumtë kanë qenë qytetarët që i kanë sugjeruar kreut të qeverisë që të vazhdojë me fushatën, pavarësisht se cilat palë politike do marrin pjesë. Mes komenteve spikat ai i një qytetari, i cili i kërkon Ramës që mos të shtyjë zgjedhjet.

E menjëhershme ka qenë përgjigja e kryeministrit, i cili me vendosmëri pohon se data e zgjedhjeve nuk shtyhet dhe se ato do të mbahen në 18 qershor.

(ed.me/BalkanWeb)