Menu Krye Të Fundit | Shqipëria |

Reshje të dendura dëbore në aksin rrugor Përrenjas- Qafë-Thanë, bllokohet qarkullimi (Foto+Video)

a48ec428-0bff-48df-b063-f3f676461a8a (1)

PERRENJAS– Reshjet e dendura të dëborës kanë krijuar probleme të mëdha me qarkullimin e mjeteve në aksin rrugor Përrenjas- Qafë-Thanë. Gazetari Fatmir Popja raporton për “BalkanWeb” se si pasojë e motit të keq dhe dëborës që ka mbuluar rrugët, janë krijuar probleme me lëvizjen e mjeteve.

Duke qenë se shumica e mjeteve që lëviznin në këtë aks rrugor kanë qenë pa zinxhirë, është vështirësuar edhe kalimi i tyre në rrugë.

Për pasoj është krijuar radhë automjetesh në kthesat e Qafë-Thanës, deri në një kilometër.

Mësohet se forcat e policisë, lejojnë qarkullimin vetëm të mjeteve të pajisura me zinxhirë në Qafë-Thanë, për shkak të rrezikut nga dëbora.

Po kështu reshje të dendura bore janë regjistruar edhe në qytetin e Librazhdit. Nisur nga situata, paraqitet vështirësi qarkullimi për mjetet në aksin Librazhd –Përrenjas.

Ndërkaq, policia ka ngritur postblloqe kontrolli për pajisjen e automjeteve me zinxhirë.

(el.sp/BalkanWeb)





Copy Protected by Chetan's WP-Copyprotect.