Kohët e fundit një vëmendje të madhe po i kushtohet personave që zgjedhin të jenë lesbike, homoseksualë, biseksualë dhe transgjinorë (LGBT). Bota është shumë e ndarë për sa i përket komunitetit LGBT. Në disa raste e shohim përpjekje që kjo gjë të përçohet si vlerë, ndërsa në raste të tjera si degjenerim të shoqërisë.
Ndërkaq, edhe në Lojërat Olimpike Rio 2016 në Brazil “nuk kishte si të shmangej” debati për çështjen LGBT që ka përfshirë të gjithë botën. Ajo që mediat botërore kanë vënë në pah është fakti se shumë atletë olimpikë në këto lojëra janë shprehur hapur për orientimin e tyre seksual. Skuadra olimpike me numrin më të madhe të të deklaruarve se kanë prirje në përputhje me atë që përfaqëson komuniteti LGBT është ekipi i Britanisë së Madhe me 8 atletë. Gjithashtu një tjetër fakt interesant për ekipin e Britanisë së Madge në prizmin e LGBT-së është se skuadra e hokejit në fushë ka dy lojtare që janë të martuara bashkë: Kate dhe Helen Richardson-Walsh.
Përpos fitoreve të medaljeve, në këto Lojëra Olimpike ka pasur edhe “fitore” zemrash. Kështu, “CNN” raporton se lojtarja e skuadrës braziliane të ragbisë Isadora Cerullo, edhe pse nuk arriti të merrte një medalje, ajo fitoi një partnere jete pasi e dashura e saj Marjorie Enya, e cila punonte si vullnetare në mbarëvajtjen e Lojërave Olimpike, i propozoi përpra lojtarëve të skuadrës, vullnetarëve dhe mediave. Cerrullo i tha po, duke bërë që këto lëjëra Olimpike të kishin edhe propozimin e parë për martesë.
Sipas aktivistëve të të drejtave të njeriut numri i atletëve të deklaruar homoseksualë, lesbike dhe bisekualë është rritur duke shkuar në rreth 50 atletë gjatë këtyre Lojërave Olimpike Rio 2016, krahasuar me ato të Londrës 2012, ku numri i tyre ishte 23 atletë.
Gjithashtu sipas CNN ceremonia e hapjes së Lojërave Olimpike Rio 2016, ishte hera parë një modele transgjinore mori pjesë aktive. Modelja transgjinore Lea T hyri në stadiumin “Maracana” duke i dhënë një biçiklete që mbante emrin e Brazilit, duke i paraprirë parakalimit të skuadrës olimpike të vendit pritës.
Pavarësisht vëmendjes që po marrin të gjithë këta atletë olimpikë të deklaruar si homoseksualë, lesbike dhe biseksualë, ata ose ato të gjithë duan që të shihen thjesht si të gjithë atletët e tjerë; pra të gjykohen nga performanca e tyre dhe jo nga prirjet seksuale.
Emrat e sportistëve të deklaruar publikisht homoseksualë, lesbike apo biseksualë
Isador Cerullo – Brazil, regbi
Jen Kish – Kanada, Regbi
Tessie Savelkouls – Vendet e Ulta, Xhudo
Elena Delle Donne – SHBA, Basketboll
Rafaela Silva – Brazil, Xhudo
Nicola Adams – Britani e Madhe, Boks
Seimone Augustus – SHBA, Basketboll
Tom Bosworth – Britani e Madhe, Ecje sportive/ Atletikë
Dutee Chand – Indi, Atletikë
Tom Daley – Britani e Madhe, Zhytje
Carlien Dirkse van den Heuvel – Vendet e Ulta, Hokej në fushë
Lisa Dahlkvist – Suedi, Futboll
Katie Duncan – Zelanda e Re, Futboll
Nilla Fischer – Suedi, Futboll
Amini Fonua – Tonga, Not
Larissa Franca – Brazil, Vollejboll në rërë
Edward Gal – Vendet e Ulta, Hipizëm
Kelly Griffin – SHBA, Regbi
Brittney Griner – SHBA, Basketboll
Carl Hester – Britani e Madhe, Hipizëm
Michelle Heyman – Australia, Futboll
Melanie Henique – Francë, Not
Stephanie Labbe – Kanada, Futboll
Alexandra Lacrabere – Francë, Hendboll
Hedvig Lindhall – Suedi, Futboll
Ari-Pekka Liukkonen – Finland, Not
Robbie Manson – Zelanda e Re, Garë me rrema
Hans Peter Minderhoud – Vendet e Ulta, Hipizëm
Ian Matos – Brazil, Zhytje
Angel McCoughtry – SHBA, Basketboll
Nadine Muller – Gjemani, Hedhje disku
Marie-Eve Nault – Kanada, Futboll
Ashley Nee – SHBA, Kajak
Maartje Paumen – Vendet e Ulta, Hokej në fushë
Mayssa Pessoa – Brazil, Hendboll
Jilion Potter – SHBA, Regbi
Megan Rapinoe – SHBA, Futboll
Helen Richardson-Walsh – Britani e Madhe, Hokej në fushë
Kate Richardson-Walsh – Britani e Madhe, Hokej në fushë
Caroline Seger – Suedi, Futboll
Caster Semenya – Afrika e Jugut, Atletikë
Martina Strutz – Gjermani, Kërcim për së larti
Susannah Townsend – Britani e Madhe, Hokej në fushë
Sunette Stella Viljoen – Afrika e Jugut, Hedhje shtize
Marieke van nder Wal – Vendet e Ulta, Hendboll
Julia Vasconcelos – Brazil, Taekuondo
Jeffrey Wammes – Vendet e Ulta, Gjimnastikë
Spencer Wilton – Britani e Madhe, Hipizëm
Emrat e sportistëve marrë nga advocate.com Përgatiti per BalkanWeb: Ilir Sinanaj