Menu Krye Të Fundit | Shqipëria |

Risia, Rama: Gjatë një viti politik, qeveria do mblidhet nga një herë në çdo qark

EDI RAMA

TIRANE– Gjatë fjalës së tij në mbledhjen e grupit parlamentar të PS, Edi Rama tha se qeveria gjate një viti politik do mblidhet nga një herë në çdo qark të vendit. Ai tha ndër të tjera se çdo ministër duhet të qëndrojë 1 herë në një muaj në një qark për të qene afër qytetarëve.

“Qeveria gjatë një viti politik do mblidhet nga një herë në çdo qark. Jo për mbledhje simbolike, por për t’u spostuar në cdo qark për të punuar atje. Përveç takimeve të qeverisë, çdo ministër, gjatë këtij viti duhet të qëndrojë një herë në muaj në një qark. E domosdoshëm është që anëtarët e kabinetit të jetojnë bashkë me njerëzit për të parë jetën e përditshme. Ne duhet të fillojmë menjëherë punën në terren për organizmin e koalicionit me njerëzit e zakonshëm dhe kemi plotësuar pjesën e dytë të ekipit qeverisës me zgjedhjen e nënkryetarëve. Në 10 ditëshin e parë të tetorit mblidhet asambleja për kryesinë e re dhe sekretarin”- tha Rama.

Ndër të tjera ai u shpreh se pavarësisht reagimit të PD do vazhdojnë të respektojnë seancat në Kuvend.
“Do respektojmë cdo seancë. Ju falënderojmë për këtë kontribut unë dua të nënvizoj se pavarësisht reagimit të PD ndaj qasjes tonë. Qasja jonë nuk ndryshon dhe ne nuk do shkojmë në atë sallë për avazin e vjetër, por për të respektuar rendin e ditës dhe për ta mbajtur të shtrirë dorën e opozite. Në mbledhjen e ardhshme të grupit do nënshkruajmë marrëveshjen mirëkuptimit mes anëtareve të kabinetit dhe ministrit. Marrëveshja përmban gjithçka na duhet për të pasur një fuqi komunikuese me publikun.

(d.d/BalkanWeb)


KOMENTO

*E-mail nuk do te publikohet.
Komenti juaj do publikohet brënda 3 orëve , nëse përdorni fjalor ofendues , komenti nuk do të publikohet nga moderatori .


Copy Protected by Chetan's WP-Copyprotect.