RUSI – Cristiano Ronaldo ka hyrë në histori si golashënuesi më i mirë europian në kompeticione ndërkombëtare, me golin e shënuar ditën e sotme ndaj Marokut.
Superylli i Portugalisë, kampione në fuqi e Europës, shënoi me kokë që në minutën e 4-t të takimit të vlefshëm për grupin B që po zhvillohet në Moskë.
Ronaldo ka një mbështetje të madhe edhe në stadium, ajo është partnerja e tij e Georgina Rodriguez, e cila e shoqëron atë në çdo ndeshje. 24-vjecarja është fotografuar edhe ditën e sotme, duke ndjekur ndeshjen Portugali-Marok.
Ajo që ka tërhequr vëmendjen e mediave të huaja është unaza me diamant në gishtin e fejesës. A janë fejuar dhe nuk kanë treguar asgjë? Ende nuk dihet asgjë zyrtarisht.
Nuk ka mbetet gjë tjetër vetëm të presim në vazhdim konfirmimin e çiftit të njohur. Futbollisti portuges dhe bukuroshja brune kanë edhe një vajzë 10 muajshe së bashku.