Presidenti i Parlamentit Evropian, Martin Schulz, tha të enjten se nuk do të kërkojë mandat të ri, por do të kthehet në politikën kombëtare të Gjermanisë, ku do të garojë për parlamentin federal në Berlin, vitin e ardhshëm. Social demokrati Schulz, nuk dha detaje të tjera në konferencën për media.

Partia e tij është aktualisht partner i koalicionit të kancelares Angela Merkel. Mbetet e paqartë nëse Schulz do të jetë kandidati kryesor për kryetarin e Partisë Social-Demokrate.

Aktualisht në krye të saj është zëvendëskancelari, Sigmar Gabriel.

Emri i Schulzit ka qarkulluar edhe si zëvendësim potencial për ministrin e Jashtëm të Gjermanisë, Frank-Walter Steinmeier, i cili pritet të largohet nga posti në fillim të vitit të ardhshëm, pasi është nominuar për president.

(el.sp/alkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: