Gjermania, kampionia e botës në fuqi, debutoi me humbje në “Rusi 2018”, në ndeshjen e zhvilluar dje kundër Meksikës. Në lojë për pak minuta hyri si zëvendësues edhe Julian Brandt i cili nuk arriti t’i ndryshonte fatin këtij takimi.
Gjithsesi edhe pse luajti ekzaktësisht 9 minuta futbollisti i Bayern Leverkusen është kritikuar nga mediat gjermane. Arsyeja në fakt ka qenë një ‘slefie’ në fund të ndeshjes me një nga tifozët në “Luzhniki Arena”.
Gazeta “Bild” shkruan: “Gjermania dështon në startin e Botërorit dhe Julian Brandt nuk ka asgjë më të mirë për të bërë sesa të buzëqeshë në kamerën e një tifozi…”
Sulla #Bild tedeschi infuriati con #Brandt che si ferma a fare selfie con un tifoso #Ger #WorldCup #Russia2018 #Mondiale pic.twitter.com/dF4htOpeXj
— Giovanni Capuano (@capuanogio) June 18, 2018
Pas këtij lajmi ka reaguar vetë lojtari i cili ka deklaruar: “Doja të futesha në tunelin e stadiumit, pastaj erdhi djali i vogël dhe filloi të bërtiste. Në fillim ju nuk mendoni shumë për atë episod, ose ia bëni atë favor ose jo. E mora telefonin dhe bëra ‘selfie’. Nuk mendova më gjatë.”
(e.k/BalkanWeb)