ELBASAN- Një konflikt pronësie ka sjellë arrestimin e dy vëllezërve në Cërrik. Sipas të dhënave zyrtare nga policia, specialistët për krimet, në Komisariatin e Policisë Cërrik, bënë ndalimin e shtetasve Denis Dybeli, 22 vjeç dhe Gerald Dybeli, 20 vjeç të dy banues në fshatin Xherije.

Ndalimi i tyre, u bë pasi dy ditë më parë, në rrugën e fshatit Xherije, gjatë një konflikti për motive pronësie, kanë ushtruar dhunë fizike dhe psikologjike ndaj xhaxhait të tyre, shtetasit A.D., 40 vjeç duke i shkaktuar lëndime të shumta.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje, kryer në bashkëpunim”.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb