KORE E JUGUT- Shkencëtarët zbulojnë proteinën që lidhet me kancerin e mushkërive
Një grup shkencëtarësh të Koresë së Jugut kanë zbuluar një proteinë të re që lidhet me shkakun e kancerit të mushkërive, deklaroi Ministria koreanojugore e Shkencave.

“Ekipi i drejtuar nga Lee Chang-hwan i Universitetit të ‘Kolegjit të Mjekësisë Ulsan’ zbuloi se proteina e quajtur USE1 u gjet më shpesh tek pacientët me kancer të mushkërive pas analizimit të ADN-ve të tyre”, tha Ministria koreanojugore e Shkencave.

Ministria u shpreh se “zbulimet mund të përdoren më tej për zhvillimin e barnave për trajtimin e kancerit të mushkërive”.

“Thelbi i hulumtimit është se kemi zbuluar proteinën kryesore në lidhje me kancerin e mushkërive”, tha Lee.
“Proteinat USE1 janë gjenden shpesh në kancerin e mushkërive dhe mutacionet e dëmshme në USE1 zgjasin gjysmën e jetës së proteinave, duke bërë të mundur formimin e tumorit”, sipas studimit.

Çdo vit, më shumë se një milion njerëz vdesin për shkak të kancerit të mushkërive në të gjithë botën pasi diagnoza është e vështirë për t’u zbuluar shpejt për shkak të mungesës së simptomave.
Hulumtimi është financuar nga Ministria e Shkencave, ndërsa rezultatet janë publikuar nga gazeta e Institutit Kombëtar të Kancerit.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb