ISLANDË- Kryeministri islandez ka bërë thirrje për zgjedhje të parakohshme parlamentare pas akuzave se partia e tij mbulonte një skandal abuzimi seksual ndaj fëmijëve, ku përfshihej edhe babai i tij.
Në një deklaratë për mediat Benediktsson tha: “Ne kemi humbur shumicën dhe nuk shoh asnjë mundësi për ta rimarrë atë…unë bëj thirrje për zgjedhje të parakohshme.” Ai gjithashtu tha se shpreson që zgjedhjet e reja të mbahen në nëntor.

Bright Future një nga tre partitë pjesë e qeverisë së tij të koalicionit, e cila u formua vetëm nëntë muaj më parë, njoftoi se po tërhiqeshin nga qeveria për shkak të “shkeljes së besimit” pasi kryeministri Bjarni Benediktsson u përpoq të mbulonte akuzat se babai i tij ndihmoi një pedofil të shpallur fajtor nga gjykata, që ai të përtonte të drejtën të aplikonte për vende të caktuara pune edhe pas vuajtjes së dënimit.
(BalkanWeb)