Nga: ZONJA VJOLLCA
200 gr rukola
100 gr patate
1 qepë e vogël
1 thelpi hudhër
1 lgj gjalpë
200 ml krem pana
700 ml lëng perimesh
Kripë, piper i zi
40 gr djath parmixhano

Lajmë thajmë rukolën dhe ruajmë disa gjethe për dekor. Vendosim gjalpin në tenxhere, kaurdisim qepën derisa të bëhet transparente, shtojmë më pas hudhrat, lëngun e perimeve, patatet e zjera të prera në kubikë si dhe rukolën e lemë të ziejë për 1 minutë. Më pas e kalojmë supën në blender duke shtuar panën, kripën, piperin e zi dhe 2 lugë djath parmixhano të grirë. E vendosim përsëri supën në zjarr e lemë të marrë një valë të lehtë dhe më pas e shërbejmë dekoruar me gjethe rukole dhe pak parmixhano.

(er.cu/vila24/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb