LAS VEGAS-Moda për të transformuar produktet teknologjike më të dëshiruara në objekte glamour tashmë po hyn edhe mes markave të luksit dhe pasi pamë smartwatch-ët e parë të tregtuar nga “TAG Heuer” dhe “Fossil”, nga skena e CES 2017 në Las Vegas (salloni më i rëndësishëm në botë në fushën e teknologjive të reja), edhe marka e njohur “Swarovski” është gati të hyjë në segmentin e smartwatch-ëve të tipit “Android Wear” në pjesën e parë të vitit 2017.
Ky lajm erdhi në mënyrë të papritur, gjatë konferencës për shtyp të gjigantit “Qualcomm” në CES 2017.
Në fakt prodhuesi i procesorëve ka konfirmuar se pikërisht produkti i tij “Snapdragon” i dedikuar për “smartwatch”-t do të përdoret nga “Swarovski” për orën e tij të parë smart.
Prezantimi pritet të bëhet gjatë edicionit të radhës së “BaselWorld” më 23 mars, që është salloni botëror më i rëndësishëm përsa i përket sektorit të orave.
(ed.me/BalkanWeb)
