Një ngjarje e rëndë dhe e paprecedentë ndodhi sot në stërvitjen e klubit të Vllaznisë në fushën e “Reshit Rusit” ku një përson i maksuar ma kapuç dhe me thikë në dorë tentoi të godiste trajnerin Ernest Gjoka.
Ky i fundit fatmirësisht i shpëtoi sulmit pasi e kuptoi atë që po ndodhte dhe arriti të shmanget. Autori ende nuk është kapur ndërsa policia po heton për zbardhjen e ngjarjes.
Shkodër Informacion Paraprak
Me datë 22.02.2018 rreth orës 17:00, salla operative ka marrë një njoftim se afër portës hyrëse të një fushe sportive, një shtetas i është afruar trajnerit të Vllaznisë, E.Gj, i cili ka qënë në shoqërimin e një shtetasi tjetër të quajtur G. L, dhe e ka sulmuar duke goditur me grusht.
Trajneri i Shkodrës është shmangur duke kundërvepruar ndaj sulmuesit dhe në ato momente ka rënë tokë.
Pas kësaj personi është larguar me vrap, ku në ikje e sipër është vënë re në dorën e tij një mjet prerës në dukje si thikë.
Shërbimet e policisë kanë mbërritur në vendngjarje dhe po punohet për kapjen e këtij të fundit
(e.k/BalkanWeb)