LONDER- Pak orë pas tmerrit që tronditi Londrën një ditë më parë kur një 44-vjeçar me prirje radikale terroriste shkaktoi një masakër të vërtetë në urën “westminster” duke përplasur mbi 40 persona, zbulohet edhe identiteti i një prej viktimave, deri më tani 4.
Një nga viktimat e sulmit ishte një nënë 43-vjeçare. “Daily Mail” shkuan sot se Aysha Frade ishte duke kaluar urën për të marrë vajzat e saj nga shkolla 8 dhe 11 vjeçe, por nuk arriti dot aty, pasi u përplas pa mëshirë nga Abu Izzadeen dhe gjetI vdekjen.
Mësohet se ajo ishte mësuese në një kolegj aty pranë, ndërsa me origjinë ishte nga Spanja. Ajo ishte e martuar me një portugez, nga martesa me të cilin kishin ardhur në jetë dy vajzat, që tani i la jetime.
Para se të qëllohej për vdekje nga policia, Abu theri me thikë edhe policin Keith Palmer, 48-vjeç, fill pasi kishte shpërthyer me makinën Hunday derën e parlamentit, ndërsa vetë vdiq pak orë më vonë në spital. Mediat raportojnë se përveç mësueses dhe policit, kanë humbur jetën edhe 2 qytetarë të tjerë të pafajshëm, identiteti i të cilëve nuk është bërë ende i ditur.
(m.a/BalkanWeb)
