TUNIZI-Qeveria e Tunizisë ka shpallur sot se do te mbyllë 80 xhami që nuk janë nën kontroll të qeverisë. Vendimi vjen një ditë pasi një person i armatosur vrau 39 vetë në një resort bregdetar në këtë vend.
Kryeministri i Tunizisë, Habib Essid, i ka akuzuar xhamitë se e kanë nxitur dhunën dhe tha se brenda një jave ato do të mbyllen nga ministria e brendshme.
Sulmi i djeshëm në resortin turistik ne Tunizi ishte sulmi i dytë vdekjeprurës në këtë vend, kundër turistëve këtë vit, pasi në muajin mars u vranë 22 vetë, shumica prej tyre shtetas të jashtëm, në muzeun Bardo në kryeqytetin Tuniz.
(d.b/BalkanWeb)