Menu Krye Të Fundit | Shqipëria |

Tarifa e Rrugës së Kombit, turistët nga Kosova “braktisin” Durrësin

durres plazh

NGA KLODJANA HAXHIAJ

DURRES- Qytetarët e Kosovës, të cilët janë edhe “turistët” më patriotikë të Shqipërisë dhe bregdetit Adriatik, janë mërzitur nga vendosja e taksës në Rrugën e Kombit. Në ditën e dytë të aplikimit të kësaj takse në tunelin e Thirrës në Kukës, e cila përkon me fundjavën e fundit të marsit si dhe e shoqëruar me diell e temperatura të larta, numri i kosovarëve të mbërritur në plazhin e Durrësit është në minimumin e tyre historik.

Autobusët kanë mbërritur bosh në Durrës, bëjnë me dije agjencitë turistike. “Zemërimi i kosovarëve është i madh”, thonë shoferët e autobusëve të Kosovës, të cilët kanë paguar taksën e hyrjes 11 euro e 30 cent në kufi.

Vendosja e kësaj takse në këtë segment është shumë e shtrenjtë dhe frenon ardhjen e pushuesve. “Qeveria shqiptare duhet të rishikojë taksën”, është apeli i çdo biznesi në plazh, duke nisur që nga hotelet e deri tek subjektet e vegjël sezonalë.

Nëse pushuesit nga Kosova nuk do të vijnë në plazh, subjektet e plazhit falimentojnë të gjithë.
Dy të rinj nga Kosova, Muhamed Bajrami i cili sapo ka përfunduar Ekonomikun në Padova, dhe inxhinieri Mustafa Pashtriku, po kthehen në Prishtinë.

“Kostoja 10 Euro për një veturë të Kosovës vajtje – ardhje, është po aq e shtrenjtë sa për banorët e Kukësit, sepse Shqipëria dhe Kosova kanë pagat më ulëta në rajon si për sektorin privat, ashtu edhe për administratën publike”, argumentojnë ata.

Por edhe biznesi ka rritje kostosh me vendosjen e taksave të tilla të pastudiuara.

Shumica e familjeve të Kosovës kanë paga që variojnë nga 250 deri në 350 Euro në muaj. 10 euro taksë veture, aq sa shpenzojnë për karburantin të vijnë nga Kosova në Durrës, konsiderohet e lartë dhe e tepërt për Rrugën e Kombit, që sipas tyre u ndërtua të bashkojë e jo të ndajë popullin shqiptar në dy pjesë.

(BalkanWeb)


Komente ( 5 )

  • Zgjidhje e mire do te ishte pagesa e takses ditore, 15 diteshe, mujore, 6 mujore ose vjetore. Atehere njerezit sipas punes qe kane do te zgjedhin. Ata qe kalojne tranzit per te marre tragetin per Itali paguane takse ditore, ata qe vijne si pushues zgjedhin taksen 15 diteshe, ata qe kane biznes te perditshemzgjedhin taksen vjetore qe do te ishte shume me lite se sa te paguajne çdo dite.
    Kjo eshte zgjidhja me e kapshme momentalisht.

  • Po 1.3 miliard dollare pak jane? Po 300 milion te tjera qe do ta perfundojne kete rruge e ta bejne europiane pak jane? Tarifa mund te ishte me e ulet dhe besoj se duhet nje zgjidhje por jo te perhapet panik per 10 euro? Pa dale dimri,hidhet slogani se nuk vijne kosovaret per plazh? Dale nje here se eshte ne eksperiment.

    • Cfare flet ore i lajthitur? Meqe i paguam 1.3 miliard e do paguajme edhe 300 milione te tjere, atehere per 10 Euro ska problem? A je ne vete apo mos je ndonje injorant i administrates qe merr Rama ne pune? Vertete kujton se ky 10 Euro behet per te mirembajt rrugen? Nuk ke sy te shohesh se cdo takse e pagese behet per te shkuar te xhepat e horrave qe jane ne pushtet?

    • Geni, ne Maqedoni “rrugorja” per autostradat eshte rreth 1 euro (30-60denare) ne nje drejtim, d.m.th vajtje ardhje 2 euro. Ia kane futur shume 5-10 euro. Une jam per pagesen rrugore sepse mbulon pjeserisht shpenzimet e mirembajtjes por duhet ulur cmimi mendoj. Ne Kosove nuk paguhet fare.

    • x

      Geni haroku, te paguan qeveria ty!