TIRANE – Avokati i Mario Majollarit, 28-vjeçarit që u ekzekutua me 3 plumba në zonën e Kinostudios në kryeqytet më 10 prill, Maravgi Staifo, tha se autoritetet suede nuk besuan motivet për të cilat Majollari kërkoi azil në Suedi.
Në emisionin “Kjo Javë” në News24, Avokati i tij u shpreh se as vetë 28-vjeçari nuk kishte bërë të gjitha përpjekjet për të marrë mbrojtje në vendin e tij, Shqipëri, shkruan BalkanWeb
“Autoritetet nuk e besuan motivet për të cilat ai kërkonte mbrojtje, dhe i refuzuan azilin.
Nuk ka ndonjë dokument nga policia shqiptare që siguronte mbrojtjen e tij.
Morën vendimin që autoritetet në Shqipëri, nuk kishin probleme e mungesa, dhe se nuk kishte aplikuar për mbrojtje. Dhe se ai nuk kishte bërë çdo lloj përpjekje për të marrë mbrojtje në vendin e tij.
Autoritetet në Suedi nuk do të bëjnë gjë, por mediat këtu, kanë shkruar për këtë rast, por shpresoj që bordi i migrimit dhe gjykatat t’i shohin me sy tjetër këto çështje,” tha Staifo.
(e.f/BalkanWeb)