TIRANE- Deputeti Namik Dokle, i cili u la jashtë liste për të garuar nën siglën e PS për zgjedhjet e 25 qershorit, ka një kërkesë publike.
Me anë të një statusi në faqen e tij të ‘Facebook’-ut, Dokle, i cili ishte gjatë inaugurimit të rrugës që lidh Kukësin dhe Kosovën, nuk i kurseu falënderimet. Mes të tjerash ai i kërkoi dhe Fondit Shqiptar të Zhvillimit nëse do të kryejnë aq mirë punimet për aksin në fjalë sa kolegët e tyre kosovar.
MESAZHI I DOKLES
NJE RRUGE, TRE FALENDERIME DHE NJE KERKESE..
Eshte fjala per rrugen qe lidh fshatin Borje te Kukesit me Kosoven. Dje u inaugurua pjesa andej kufirit, kendej akoma jo…Kur?!
Falenderimet jane per qeverine e Kosoves dhe posacerisht per ministrin Lutfi Zharku dhe kryetarin e komunes Dragash Salim Jenuzi qe mbajten fjalen e dhene borjaneve.
Falenderoj ambasadorin tone ne Prishtine, Qemal Minxhozi per interesimin e vazhdueshem qe kjo rruge te behej.
Falenderoj firmen kosovare Renault-Tahiri per punen shume cilesore.Standarti i kesaj rruge te vogel, ashtu si edhe vazhdimi i rruges se kombit ne Kosove, krahasuar me pjesen e Shqiperise, tregojne se per infrastrukturen e rrugeve, Kosova eshte me afer Europes.
Dhe kerkesa? Eshte per Fondin Shqiptar te Zhvillimit: A do ta beni edhe ju po aq mire sa koleget kosovare, pjesen kendej, nga kufiri deri ne Borje?!
(ed.me/BalkanWeb)
