Komisioni i Apelit në UEFA konfirmoi sot dënimin me 2 vite të Bajram jashanicës për përdorimin e substancave të ndaluara. Menjëherë pas këtij vendimi të apelit ka reaguar klubi i Skënderbeut.
Korçarët deklarojnë se klubi do të kërkojë drejtësi për futbollistin në CAS.
Reagimi i KF Skënderbeut
UEFA konfirmoi vendimin për Jshanicën, reagon Skënderbeu: Do apelojmë në CAS
Komisioni i Apelit i UEFA-s vendosi lënien në fuqi të masës disiplinore “pezullim nga aktiviteti” për një periudhë 2-vjeçare për lojtarin e KF Skënderbeut, Bajram Jashanica.
Pavaresisht argumenteve dhe dëshmive të dhëna në seancë gjyqesorë nga ana e lojtarit dhe personave të tjerë të lidhur me çështjen, organi juridik vendosi mospranimin e kërkesës të paraqitur nga Bajram Jashanica për uljen e sanksionit.
Bëjmë me dije se aktualisht, palët janë në pritje për disponimin nga ana e Komisionit të Apelit të UEFA-s të vendimit integral, i cili do të ankimohet në CAS.
KF Skënderbeu i ka ofruar lojtarit të gjithë mbështetjen e mundshme gjatë kësaj periudhe të vështirë për të dhe beson se masa disiplinore është disproporcionale me rrethanat e ngjarjes dhe me shkallën e përgjegjësisë të Bajram Jashanica.
Për këtë arsye, në çdo formë dhe me të gjitha mjetet në dispozicion, do të kërkojmë vendosjen e një mase disiplinore më të ulët, për garantimin e vijueshmerisë së karrierës të lojtarit tonë.
Zyra për Shtyp,
KF Skënderbeu
(e.k/BalkanWeb)