Pas vendimit të përjcellë nga kryetari i grupit parlamentar të Partisë Socialiste, Taulant Balla, pak më parë në Facebook për një vendim të marrë me popullin në lidhje me importin e plehrave, ka reaguar kreu i grupit të LSI-së, Petrit Vasili.

Në një status në Facebook, ish-kreu i Lëvizjes Socialiste për Integrim, shkruan se zgjidhja e vetme është një referendum popullor në lidhje me këtë vendim.

“Këtë vendim mund ta marrë vetëm populli pasi pasojat e tmerrshme mbi shëndetin dhe jetën do te bien mbi të dhe do ti vuajë vetëm ai,” shkruan Vasili

Statusi i Petrit Vasilit.

Referendum popullor për plehrat.

Ligji për importin e plehrave u fut në mënyrë tinëzare në parlament një vit më parë, pasi kryeministri demagog e anulloi importin e plehrave me vendimin e tij të parë si kryeministër në shtator 2013.

Populli shqiptar është shumë i shqetësuar për pasojat e rënda mbi shëndetin e tij dhe të gjeneratave që do të vijnë.

Populli është shumë i shqetësuar që Shqipëria do të shëndrrohet në gropën e plehrave të të gjithë Europës, pasi me këtë ligj të gjithë llojet e sojet e plehrave do të derdhen në Shqipëri.

Zgjidhja është vetëm një REFERENDUM POPULLOR për t’i thënë po ose jo vërshimit të plehrave në Shqipëri.

Këtë vendim mund ta marrë vetëm populli pasi pasojat e tmerrshme mbi shëndetin dhe jetën do te bien mbi të dhe do ti vuajë vetëm ai.

 (e.f/BalkanWeb)