Mohamed Salah ka demonstruar aftësi të shkëlqyera dje në përballjen kundër Tottenham ku kishte edhe një sfidë individuale me Harry Kane për golashënuesin e kampionatit.
Egjiptiani i “the reds” realizoi dy gola, me të dytin që ishte më shumë se mbresëlënës, por fatkeqësisht Harry Kane i prishi festën në fund duke barazuar 2-2.
Ky episod nuk e prish aspak ecurië pozitive të 25-vjeçarit që ka realizuar 21 gola në 24 ndeshje dhe për tifozët ai mbetet idhulli i të paktën këtij sezoni. Për këtë arsye një tifoz i vogël në fundin e ndeshjes me një pankartë të vogël shkruante: “Mo Salah, a mund ta kem bluzën tënde të lutem?”
Për fatin e mirë të tij tifozi u evidentua nga Salah i cili padyshim që ia plotësoi dëshirën.
Një gjest i madh i një futbollisti të madh që më parë ka deklaruar se për të shkuar në stërvitje kur ishte në Afrikë udhëtonte 9 orë me autobus.
Mo Salah the Egyptian king comes over regardless of the result to give a kid his shirt who held a sign with his name for 90 minutes #LFC ???? pic.twitter.com/GbmlSTSnUN
— Dean Coombes (@DeanCoombes) February 4, 2018
(e.k/BalkanWeb)