TIRANË- Në gjykatën e Krimeve të Rënda është paraqitur sot akt ekspertimi i analisë së ADN-së kryer në kuadër të zbardhjes së vrasjes së Gazmend çollakut, ngjarje për të cilën po gjykohet Denis Shtraza, i vetmi i akuzuar për rrëmbimin e 40-vjeçarit Çollaku, që pasi u torturua u vra dhe u hodh anë rrugës në Murqinë të Krujës, i lidhur këmbë e duar.
Në akt ekspertimin e siguruar nga “BalkanWeb” arrihet në konkluzionin se kampioni i pështymës që i është marrë Deniz Shtrazës ndryshon nga kampioni gjenetik i përfituar nga gjaku i viktimës që u gjet në fasetat plastike me të cilat i ishin lidhur, duart, ç’ka ngre dyshime të forta për përfshirje të personave të tjerë në këtë ngjarje.
“Nga gjaku marrë me tampon në dorezën e tapicerisë së bagazhit, në ambalazhin plastik dhe në çantën e zezë (prova materiale 1,2,3) objekte të këtij ekspertimi marrë gjatë këqyrjes së automjetit tip Benz Mercedez me targa AA 671MZ, u përfitua i njëjti profil human i plotë, i seksit mashkull me karakteristikat e përshkruara në akt tabela, i cili është i ndryshëm nga profili gjenetik i përfituar nga kampioni i gjakut marrë nga dy epruveta kufomës së shtetasit Laert Çollaku”,- thuhet ndër të tjera në akt ekspertizën e siguruar për “BalkanWeb“ nga gazetarja Klodiana Lala.
(m.a/BalkanWeb)
