SERBI-Presidenti i Serbisë, Aleksandar Vuçiç ka thënë së çështja e Kosovës është më e rëndësishmja për Serbinë. Sipas tij, nëse nuk gjendet zgjidhje për Kosovën, Serbisë do t’i pengohet hyrja në BE.
Ai ka thënë se është e rëndësishme të arrihet një kompromis.
Gjatë një konference të përbashkët me presidentin e Këshillit Evropian, Donald Tusk presidenti serb përsëriti se mund të pranojnë zgjidhjen e një kompromisi, por nuk mund të pranohet poshtërimi i Serbisë, përcjell lajmi.net.
Vuçiç ka theksuar se Serbia ka përmbushur gjithçka nga marrëveshja e Brukselit.
“Ne nuk duhet të jemi të verbër duhet të kuptojmë se çfarë po ndodh rreth nesh. Nëse ne i mbyllim syte atëher fëmijët tanë nuk do të kenë të ardhme”- tha ai.
Vuçiç ka treguar se në takim është biseduar edhe për autostradën Nish-Prishtinë duke shtuar se nuk ka hequr dorë nga ideja e ndërtimit të saj edhe pse disa kanë thënë se është e panevojshme.
(BalkanWeb)
