Menu Krye Të Fundit | Shqipëria |

Ylli Rakipi: Vendi nuk ka opozitë. E pavlerë të diskutosh për Ruçin me problemet që kemi

ylli rakipi opinion 1

TIRANË- Gazetari Ylli Rakipi ka folur sot për qeverinë e re, parlamentin e ri dhe lëvizjet në politikë si dhe rolin e opozitës.

Në rubrikën “Opinion” në News24, Rakipi deklaroi se vendi është pa opozitë dhe se kjo është e frikshme. Në lidhje me zgjedhjen e Gramoz Ruçit në krye të parlamentit ai tha se e sheh me sy kritik por jo për faktin se është komunist sepse sipas tij, në Shqipëri komunistë janë të gjithë.

“Duhet të trembemi sepse nuk kemi opozitë. Zgjedhjen e Gramoz Ruçi e shoh me një sy kritik por jo si komunist. Këtu komunistë janë të gjithë. E tmerrshme është që Shqipëria nuk ndërron dot elitat, që vazhdon të drejtohet nga një grup njerëzish që vijnë nga para viteve ’90. Në këtë pikëpamje nuk e pranoj as Gramoz Ruçin, as Sali Berishën dhe plot të tjerë që sot pas 30 vitesh vazhdojnë të mbajnë drejtimin e vendit”, tha Rakipi.

Ai radhiti një sërë problemesh që sipas tij ka vendi të cilat duhet të diskutohen para zgjedhjes së Ruçit në krye të parlamentit.

“Të diskutosh për të qenit komunist të Gramoz Ruçit me këto probleme që ka Shqipëria, me këto shqetësime, me varfërinë, me eksodin masiv që nuk ndalet, me të huajt që thonë se ka probleme me krimin e organizuar të diskutosh, të shkosh të fshihesh pas Gramoz Ruçit do të thotë se nuk ka asnjë vlerë. Është e frikshme nga kjo pikëpamje se nuk ka opozitë”, tha Rakipi.

(m.k/BalkanWeb)


Komente ( 1 )

  • O Z.Rakipi, ke thene nje te vertete te madhe! Ky vend NUK KA PASUR E NUK KA OPOZITE! Sale komunisti i thote Ruçit komunist! Keta te gjithe tallen me kete popull, qe s’e kupton, per faktin e thjeshte se eshte mesuar te vuaj e nuk shkeputet dot. Sindroma e Stokholmit!



Copy Protected by Chetan's WP-Copyprotect.